মই প্ৰৱেশ কৰিছো

অসম চৰকাৰ জলসিঞ্চন বিভাগ

বহুল ব্যৱহৃত জলসিঞ্চন ব্যৱস্থাসমূহ

বোৱতী জলসিঞ্চন ব্যৱস্থা

এই ধৰণৰ আঁচনিত নদীৰ এখনৰ উজনিত বান্ধ সাজি জলপৃষ্ঠৰ উচ্চতা বৃদ্ধি কৰি লৈ নলা প্ৰণালীলৈ বোৱাই দিয়া হয় । এই ব্যৱস্থাত মাধ্যাকৰ্ষণৰ সাধাৰণ ধৰ্ম ব্যৱহাৰ কৰি ক্ৰমাৎ উচ্চ স্থানৰ পৰা নিম্ন স্থানলৈ পানী বোৱাই নিয়া হয় । ইয়াত মূলধন বিনিয়োগ বেছি কিন্তু তদাৰকী খৰচ কম আৰু বিদ্যুৎ নহলেও চলাব পৰা ব্যৱস্থা থাকে । দুই এটা এনে আঁচনিত পৰীক্ষামূলকভাবে বিদ্যুৎ উৎপাদনৰ ব্যৱস্থাও হৈছে ।

উত্তোলন জলসিঞ্চন ব্যৱস্থা

এই জলসিঞ্চন ব্যৱস্থাত পানী পাম্পৰ সহায়ত নদী বা জলাধাৰৰ পৰা উঠাই আনি নলা এটাৰ দ্বাৰা পথাৰলৈ বোৱাই নিয়া হয় । এনে আঁচনি মূলতঃ বিদ্যুৎচালিত হয় যদিও অঞ্চলবিশেষে কিছু ডিজেলচালিত আঁচনিও আছে । শেহতীয়াকৈ সৌৰশক্তি চালিত আঁচনিৰ প্ৰক্ৰিয়াৰ চিন্তা-চৰ্চা চলিছে ।

ভূজল উত্তোলন জলসিঞ্চন ব্যৱস্থা

নলীনাদ জলসিঞ্চন ব্যৱস্থা ভূজলসম্পদ ব্যৱহাৰৰ আটাইতকৈ মিতব্যয়ী ব্যৱস্থা । এনে আঁচনিবোৰ মূলতঃ বিদ্যুৎচালিত হয় যদিও অঞ্চলবিশেষে কিছু ডিজেলচালিত আঁচনিও আছে । শেহতীয়াকৈ কামৰূপ জিলাৰ হাজোৰ ওচৰৰ বৰলাহত সৌৰশক্তি চালিত এনে এটা আঁচনিৰ সফল ৰূপায়ণৰ পিছত আৰু কিছু এনে আঁচনি লোৱা হৈছে ।

গভীৰ নলীনাদ আঁচনি

এনে নলীনাদৰ গভীৰতা ৭০ মিটাৰতকৈ অধিক আৰু প্ৰতি ঘণ্টাত ১০০ঘনমিটাৰৰ পৰা ২০০ ঘনমিটাৰ পৰ্যন্ত পানী পাব পাৰি । আঁচনিয়ে সাঙুৰি লোৱা কৃষিভূমিৰ পৰিসৰ ৫০ হেক্টৰ পৰ্যন্ত হ’ব পাৰে ।

অগভীৰ নলীনাদ আঁচনি

ভূগৰ্ভস্থ জল ওচৰতে পৰ্যাপ্ত পৰিমাণে থকা অঞ্চলত এনে আঁচনি কাৰ্যকৰী কৰা হয় ।এনে নলীনাদৰ গভীৰতা ৩০ মিটাৰতকৈ অধিক নহয় আৰু দিনটোত ৬ ঘণ্টাৰ পৰা ৮ ঘণ্টা পাম্প চলাই ১০০ ঘনমিটাৰৰ পৰা ৩০০ ঘনমিটাৰ পৰ্যন্ত পানী পাব পাৰি । আঁচনিয়ে সাঙুৰি লোৱা কৃষিভূমিৰ পৰিসৰ ১৫ হেক্টৰ পৰ্যন্ত হ’ব পাৰে ।

কুঁৱা

জলসিঞ্চনত ব্যৱহাৰৰ বাবে সাধাৰণ মুকলি কুঁৱাবোৰক ইয়াত সাঙুৰি লোৱা হয় । এনে ব্যৱস্থাত পকী কুঁৱা, কেঁচা কুঁৱা বা কুঁৱাত নলীনাদ সংলগ্নও হ’ব পাৰে । সাধাৰণতে ব্যক্তিগত মালিকানাত এনে জলসিঞ্চন আঁচনিবোৰ থাকে ।

টোপ টোপকৈ নিগৰা জলসিঞ্চন ব্যৱস্থা

এই ব্যৱস্থাত শস্যৰ প্ৰতিটা থোপাৰ শিপাত পৰাকৈ আৰু আৰ্দ্ৰতা, পাৰিপাৰ্শ্বিক উষ্ণতা আদিৰ লগত সংগতি ৰাখি সঠিক জোখৰ পানী টোপ টোপকৈ যোগান ধৰা হয় যাতে বাষ্পীভৱনত পানী নষ্ট নহয় । পানীৰ লগত প্ৰয়োজনীও পোষক দ্ৰব্যও যোগান ধৰা হয় । প্ৰক্ৰিয়াটো কেবাতৰপীয়া আৰু প্ৰাৰম্ভিকভাবে কিছু ব্যয়বহুল কিন্তু অত্যধিক বিজ্ঞানসন্মত ।